යකෙක් කන්න බඩගිනියි..
බොහෝම ඉස්සර කාලේ අපේ රටේ ඈත ගම්මානෙක තමයි මේ සිදුවීම සිද්ධ වුනේ. මේ ගමේ හිටියා හරිම යහපත් නුවණක්කාර ගොවියෙක්. මෙයා තමයි ඒ ගමේ ගමරාළ. ගමරාළ කියන්නේ ඉස්සර කාලේ ගමේ හිටපු පාලකයා. ගමේ නායකයා වගේ කෙනා. මෙන්න මේ ගමරාළ දවසක්දා හේනක් කොටන්න හිතාගෙන උදේ පාන්දරින්ම ගෙදරින් පිටත්වුනා. ඉස්සර අපේ රටේ උදවිය උදේ පාන්දරම නැගිටින්නත් කලින් නින්දට යන්නත් හුරුවෙලා හිටියේ. ඒක නිසා තමයි අපේ මේ ගමරාළත් උදේ පාන්දරම හේන කොටන්න පිටත්වුනේ.හේන කියන්නේ අපේරටේ මින්ස්සු වගාකටයුතු සදහා යොදාගත්තු කැළෑ බිමට. ඒ කැළේ තිබුන ගස් කපලා එළිකරගෙන ඒකෙ එළවළු වර්ග හිටවන එක තමයි හේන් ගොවිතැන කියලා කියන්නේ.
ඉතිං ඔන්න උදේ පාන්දරම ගෙදරින් පිටවුන ගමරාළ පැයක් දෙකක් කැළේ ඇතුලේ ඇවිදගෙන ගියා. හේනක් කොටන්න සුදුසු තැනක් හොයාගත්තු ගමරාළ, එතන තිබුනු ගස් කපල එතන සුද්ධ කරන්න පටන්ගත්ත. මේ කැළේ තියෙන ලොකු ගස්වල තමයි යක්කු ජීවත් වෙන්නේ. යක්කු මිනිස්සුන්ට වඩා බලවත්. හැබැයි යක්කුන්ට බය නැති මිනිස්සුත් ඉස්සරකාලේ හිටියා. යකාට බයයි කියල පෙන්නුවොත් යකා ඒ මනුස්සයාට කරදර කරනවා. හැබැයි යකාව බයකරගත්තොත් යකාට කියල වැඩ කරගන්න පුළුවන්. මොකද යකා මිනිස්සුන්ට වඩා බලවත් නිසා. දැන් ඔන්න අපේ ගමරාළත් කැලේ කපන්න පටන්ගත්තා. කැලේ කපාගෙන කපාගෙන යද්දී මහ විශාල ගහක් ලගට ගමරාළ ආවා. යක්කු පදිංචි වෙලා හිටියේ ලොකු ගස්වල. මේ ගහෙත් යකෙක් හිටියා. යකා හොදටම කලබල වුනා.
"මේ මිනිහා මගේ ගහත් කපන්න නේද හදන්නේ" කියල යකා කල්පනා කලා.
ඊට පස්සේ ගහෙන් බිමට පැනගත්තු යකා එකපාරටම ගමරාළ ඉස්සරහට ආවා. එහෙම ඇවිල්ලා
" ගමරාළයෝ, මගේ මේ ගහ කපන්න හැදුවොත් මම උඹව කෑලි කෑලි වලට ඉරලා දානවා" කියල කිව්වා.
ගමරාළත් හොදටම බයවුනා. ඇයි ඉතිං යක්කු කියන්නේ කියන දේ කරන ජාතියක්නේ. හැබැයි අපේ නුවණක්කාර ගමරාළ කළබල වුනේ නෑ. එයා යකාට බයයි කියලා පෙන්නුවෙත් නෑ. බොහෝම එඩිතර මුහුණක් මවාගෙන මෙන්න මෙහෙම කිව්වා.
" ඈ බොල යකෝ, උඹට බයේ කැලේ කපන්නෙ නැතුව ඉන්නෙ කොහොමද. උඹට ඕනෙනම් වෙන ගහකට පලයන්"
දැන් යකාටත් හිතාගන්න බෑ මොනව කරන්නද කියලා. යකා තේරුම් ගත්තා මේ ගමරාළව කවදාවත් බයකරන්න බෑ කියලා.ගමරාළව යාළුකරගෙනවත් මේ ගහ කපන එක නවත්තගන්න යකා කල්පනා කළා. ගමරාළ ළගට ගිය යකා ගමරාළට මෙන්න මෙහෙම කිව්වා.
"ගමරාළයෝ, මෙන්න මේ ගහ අතඇරල වෙන ගහක් කපාගනින්.මේ කැලේ ඔය ඕනෙතරම් ගස් තියෙන්නේ"
ගමරාළට තේරුනා යකා දැන් ගමරාළට බයවෙලා ඉන්නෙ කියලා. ඒක නිසා ගමරාළ තවත් නපුරු පෙනුමක් අරන් යකාට මෙන්න මෙහෙම කිවිවා.
" ඒ ගස්වලත් යක්කු හිටියොත් මට හේන කොටන්න වෙන්නෙ නෑ. ඒත් මට උඹ ගැන දුකයි. ඒක නිසා මම මේ ගහ කපන්නේ නෑ.හැබැයි උඹ මට පොරොන්දුවක් වෙන්න ඕනේ. හැම මාසෙම මට එළවළු ගෝනියයි වී ගෝනියයි මගේ ගෙදරටම ගෙනත් දීපන්. උඹ කැමතිද"
යකා මේ යෝජනාවට කැමති වුනා. ගමරාළ ගෙදර ගිහින් මේ බව ගම හාමිනේටත් කිව්වා. දෙන්නම බලාගෙන හිටියා යකා එළවළු ගෝනියයි වී ගෝනියයි අරන් එනකම්. මාසයක් ගතවුනා. ඔන්න යකා පොරොන්දු වුන විදිහටම එළවළු ගෝනියයි වී ගෝනියයි ගෙනාවා. එදා ඉදලා දිගමට යකා තමන්ගේ පොරොන්දුව ඉටුකරා. ගමරාළත් ගම හාමිනෙත් බොහෝම සන්තෝසෙන් දවස ගතකළා.
මේ අතරෙ කැළේ ඉන්න අනික් යක්කුන්ටත් මේ ආරංචිය පැතිරිලා ගියා. ඒ අය යක් නායකයට මේ බව දැන්වුවා. යක් නායකයට හරිම තරහයි මේ සිදුවීම ගැන. ඇයි ඉතිං යකා මිනිස්සුන්ට බයයි කියන්නේ හරිම ලැජ්ජාවක්නේ. ගමරාළට පාඩමක් උගන්වන්න ඔනේ කියල කල්පනා කරපු යක් නායකයා දවසක් ගමරාළගේ ගෙදරට ගියා ගමරාළව මරන්න හිතාගෙන.
ගමරාළගේ වත්ත හරිම සරුසාරයි. මේ වත්තේ තිබුන කුරුම්බා ගහේ රසම රස කුරුම්බා හැදෙනවා. වතුර තිබහටයි බඩගින්නටයි කුරුම්බා නියම කෑමක්. මේ කුරුම්බා ගහේ අළුතින්ම හැදුන කුරුම්බා ගෙඩි කඩාගත්තු ගම හාමිනේ ඒවා ගමරාළගේ ඇද යටින් දැම්මා. මේ වෙලාවේ ගමරාළ නාන්න ගිහින්. දැන් ඉතින් නාලා ඉවරවෙලා බඩගින්නේ ගෙදර එන ගමරාළට දෙන්න තමයි මේ කුරුම්බා කැඩුවේ. කුරුම්බා ගෙඩි ටික ගමරාළගේ ඇද යටින් දාපු හාමිනේ ගමරාළට කෑම උයන්න කුස්සියට ගියා. මේ අතරේ යක් නායකයත් ගමරාළගේ ගෙදරට ආවා ගමරාළව මරන්න හිතාගෙන. ඇවිත් යක් නායකයත් රිංගුවා ගමරාළගේ ඇද යටට.
ඔන්න අපේ ගමරාළ නාගෙන ගෙදර ආවා. ගමරාළට හරිම බඩගිනියි. ගම හාමිනේට මරිම රසට උයන්න පුළුවන්. දැන් ගම හාමිනේ උයන කෑමවල සුවද ගමරාළට දැනෙනවා. ඒ සුවදට බඩගිනි තවත් වැඩිවෙනවා.
" හාමිනේ, හරිම බඩගිනියි. කන්න මොකුත් නැද්ද. හප්පේ... යකෙක් කන්න බඩගිනියි" කියල ගමරාළ කිව්වා.
මේක ඇහුන යක් නායකය බයවුනා. යක් නායකයා හිතුවේ ගමරාළ යක්කු කනව කියලා. හැබැයි යකෙක් කන්න බඩගිනියි කියන්නේ ගොඩාක් බඩගිනියි කියන එක. යක්කු ඒක දන්නෙ නෑනේ. යකා ඒක නිසා හොදටම බය වුනා.
"ඔන්න ඇද යට ඇති... කපාගෙන කනඑකයි ඇත්තේ.." කියලා ගම හාමිනේ උත්තර දුන්නා.
ඇයි දන්නවද? ගම හාමිනේ කුරුම්බා ටික තිබ්බේ ඇද යටි‍න්නේ. යකා ඒක දන්නේ නෑ. යකා හිතුවෙ හාමිනේ යකා ඉන්න තැන කිව්වා කියලා. දැන් යකා බයේ වෙව්ලනවා. කුරුම්බා බොන්න කලින් කපන්න ඔනේ. ඒක නිසා ගමරාළ කැත්තත් අරගෙන ඇද ළගට ආවා. යක් නායකයා හිතුවේ දැන් ගමරාළ යකාව මරන්න එනව කියලා. එකපාරටම ඇදෙන් එළියට ආපු යක් නායකයා ගමරාළට වැදගෙන මෙන්න මෙහෙම කිව්වා.
"අනේ බුදු ගමරාළයෝ... මාව මරන්න එපා. මම උඹට හැම මාසෙම එළවළු ගෝනි දෙකයි වී ගෝනි දෙකයි ගානේ ගෙනත් දෙන්නම්" කියලා.
ගමරාළට මොකුත් හිතාගන්න බෑ. ඇයි ඉතිං ගමරාළ දන්නේ නෑනේ ඇද යට යකෙක් ඉන්නවා කියලා. අන්තිමට එදා ඉදලා ගමරාළට හැම මාසෙම එළවළු ගෝනි තුනයි වී ගෝනි තුනයි ගානේ යක්කුන්ගෙන් ලැබුනා.ගමරාළයි හාමිනේයි ඒවා ගමේ මිනිස්සුන්ටත් බෙදල දුන්නා. තමන්ට ලැබෙන දේ අනික් අයටත් බෙදල දෙන එක අපේ හොද සිරිතක්.
ඉතිං ඔන්න උදේ පාන්දරම ගෙදරින් පිටවුන ගමරාළ පැයක් දෙකක් කැළේ ඇතුලේ ඇවිදගෙන ගියා. හේනක් කොටන්න සුදුසු තැනක් හොයාගත්තු ගමරාළ, එතන තිබුනු ගස් කපල එතන සුද්ධ කරන්න පටන්ගත්ත. මේ කැළේ තියෙන ලොකු ගස්වල තමයි යක්කු ජීවත් වෙන්නේ. යක්කු මිනිස්සුන්ට වඩා බලවත්. හැබැයි යක්කුන්ට බය නැති මිනිස්සුත් ඉස්සරකාලේ හිටියා. යකාට බයයි කියල පෙන්නුවොත් යකා ඒ මනුස්සයාට කරදර කරනවා. හැබැයි යකාව බයකරගත්තොත් යකාට කියල වැඩ කරගන්න පුළුවන්. මොකද යකා මිනිස්සුන්ට වඩා බලවත් නිසා. දැන් ඔන්න අපේ ගමරාළත් කැලේ කපන්න පටන්ගත්තා. කැලේ කපාගෙන කපාගෙන යද්දී මහ විශාල ගහක් ලගට ගමරාළ ආවා. යක්කු පදිංචි වෙලා හිටියේ ලොකු ගස්වල. මේ ගහෙත් යකෙක් හිටියා. යකා හොදටම කලබල වුනා.
"මේ මිනිහා මගේ ගහත් කපන්න නේද හදන්නේ" කියල යකා කල්පනා කලා.
ඊට පස්සේ ගහෙන් බිමට පැනගත්තු යකා එකපාරටම ගමරාළ ඉස්සරහට ආවා. එහෙම ඇවිල්ලා
" ගමරාළයෝ, මගේ මේ ගහ කපන්න හැදුවොත් මම උඹව කෑලි කෑලි වලට ඉරලා දානවා" කියල කිව්වා.
ගමරාළත් හොදටම බයවුනා. ඇයි ඉතිං යක්කු කියන්නේ කියන දේ කරන ජාතියක්නේ. හැබැයි අපේ නුවණක්කාර ගමරාළ කළබල වුනේ නෑ. එයා යකාට බයයි කියලා පෙන්නුවෙත් නෑ. බොහෝම එඩිතර මුහුණක් මවාගෙන මෙන්න මෙහෙම කිව්වා.
" ඈ බොල යකෝ, උඹට බයේ කැලේ කපන්නෙ නැතුව ඉන්නෙ කොහොමද. උඹට ඕනෙනම් වෙන ගහකට පලයන්"
දැන් යකාටත් හිතාගන්න බෑ මොනව කරන්නද කියලා. යකා තේරුම් ගත්තා මේ ගමරාළව කවදාවත් බයකරන්න බෑ කියලා.ගමරාළව යාළුකරගෙනවත් මේ ගහ කපන එක නවත්තගන්න යකා කල්පනා කළා. ගමරාළ ළගට ගිය යකා ගමරාළට මෙන්න මෙහෙම කිව්වා.
"ගමරාළයෝ, මෙන්න මේ ගහ අතඇරල වෙන ගහක් කපාගනින්.මේ කැලේ ඔය ඕනෙතරම් ගස් තියෙන්නේ"
ගමරාළට තේරුනා යකා දැන් ගමරාළට බයවෙලා ඉන්නෙ කියලා. ඒක නිසා ගමරාළ තවත් නපුරු පෙනුමක් අරන් යකාට මෙන්න මෙහෙම කිවිවා.
" ඒ ගස්වලත් යක්කු හිටියොත් මට හේන කොටන්න වෙන්නෙ නෑ. ඒත් මට උඹ ගැන දුකයි. ඒක නිසා මම මේ ගහ කපන්නේ නෑ.හැබැයි උඹ මට පොරොන්දුවක් වෙන්න ඕනේ. හැම මාසෙම මට එළවළු ගෝනියයි වී ගෝනියයි මගේ ගෙදරටම ගෙනත් දීපන්. උඹ කැමතිද"
යකා මේ යෝජනාවට කැමති වුනා. ගමරාළ ගෙදර ගිහින් මේ බව ගම හාමිනේටත් කිව්වා. දෙන්නම බලාගෙන හිටියා යකා එළවළු ගෝනියයි වී ගෝනියයි අරන් එනකම්. මාසයක් ගතවුනා. ඔන්න යකා පොරොන්දු වුන විදිහටම එළවළු ගෝනියයි වී ගෝනියයි ගෙනාවා. එදා ඉදලා දිගමට යකා තමන්ගේ පොරොන්දුව ඉටුකරා. ගමරාළත් ගම හාමිනෙත් බොහෝම සන්තෝසෙන් දවස ගතකළා.
මේ අතරෙ කැළේ ඉන්න අනික් යක්කුන්ටත් මේ ආරංචිය පැතිරිලා ගියා. ඒ අය යක් නායකයට මේ බව දැන්වුවා. යක් නායකයට හරිම තරහයි මේ සිදුවීම ගැන. ඇයි ඉතිං යකා මිනිස්සුන්ට බයයි කියන්නේ හරිම ලැජ්ජාවක්නේ. ගමරාළට පාඩමක් උගන්වන්න ඔනේ කියල කල්පනා කරපු යක් නායකයා දවසක් ගමරාළගේ ගෙදරට ගියා ගමරාළව මරන්න හිතාගෙන.
ගමරාළගේ වත්ත හරිම සරුසාරයි. මේ වත්තේ තිබුන කුරුම්බා ගහේ රසම රස කුරුම්බා හැදෙනවා. වතුර තිබහටයි බඩගින්නටයි කුරුම්බා නියම කෑමක්. මේ කුරුම්බා ගහේ අළුතින්ම හැදුන කුරුම්බා ගෙඩි කඩාගත්තු ගම හාමිනේ ඒවා ගමරාළගේ ඇද යටින් දැම්මා. මේ වෙලාවේ ගමරාළ නාන්න ගිහින්. දැන් ඉතින් නාලා ඉවරවෙලා බඩගින්නේ ගෙදර එන ගමරාළට දෙන්න තමයි මේ කුරුම්බා කැඩුවේ. කුරුම්බා ගෙඩි ටික ගමරාළගේ ඇද යටින් දාපු හාමිනේ ගමරාළට කෑම උයන්න කුස්සියට ගියා. මේ අතරේ යක් නායකයත් ගමරාළගේ ගෙදරට ආවා ගමරාළව මරන්න හිතාගෙන. ඇවිත් යක් නායකයත් රිංගුවා ගමරාළගේ ඇද යටට.
ඔන්න අපේ ගමරාළ නාගෙන ගෙදර ආවා. ගමරාළට හරිම බඩගිනියි. ගම හාමිනේට මරිම රසට උයන්න පුළුවන්. දැන් ගම හාමිනේ උයන කෑමවල සුවද ගමරාළට දැනෙනවා. ඒ සුවදට බඩගිනි තවත් වැඩිවෙනවා.
" හාමිනේ, හරිම බඩගිනියි. කන්න මොකුත් නැද්ද. හප්පේ... යකෙක් කන්න බඩගිනියි" කියල ගමරාළ කිව්වා.
මේක ඇහුන යක් නායකය බයවුනා. යක් නායකයා හිතුවේ ගමරාළ යක්කු කනව කියලා. හැබැයි යකෙක් කන්න බඩගිනියි කියන්නේ ගොඩාක් බඩගිනියි කියන එක. යක්කු ඒක දන්නෙ නෑනේ. යකා ඒක නිසා හොදටම බය වුනා.
"ඔන්න ඇද යට ඇති... කපාගෙන කනඑකයි ඇත්තේ.." කියලා ගම හාමිනේ උත්තර දුන්නා.
ඇයි දන්නවද? ගම හාමිනේ කුරුම්බා ටික තිබ්බේ ඇද යටි‍න්නේ. යකා ඒක දන්නේ නෑ. යකා හිතුවෙ හාමිනේ යකා ඉන්න තැන කිව්වා කියලා. දැන් යකා බයේ වෙව්ලනවා. කුරුම්බා බොන්න කලින් කපන්න ඔනේ. ඒක නිසා ගමරාළ කැත්තත් අරගෙන ඇද ළගට ආවා. යක් නායකයා හිතුවේ දැන් ගමරාළ යකාව මරන්න එනව කියලා. එකපාරටම ඇදෙන් එළියට ආපු යක් නායකයා ගමරාළට වැදගෙන මෙන්න මෙහෙම කිව්වා.
"අනේ බුදු ගමරාළයෝ... මාව මරන්න එපා. මම උඹට හැම මාසෙම එළවළු ගෝනි දෙකයි වී ගෝනි දෙකයි ගානේ ගෙනත් දෙන්නම්" කියලා.
ගමරාළට මොකුත් හිතාගන්න බෑ. ඇයි ඉතිං ගමරාළ දන්නේ නෑනේ ඇද යට යකෙක් ඉන්නවා කියලා. අන්තිමට එදා ඉදලා ගමරාළට හැම මාසෙම එළවළු ගෝනි තුනයි වී ගෝනි තුනයි ගානේ යක්කුන්ගෙන් ලැබුනා.ගමරාළයි හාමිනේයි ඒවා ගමේ මිනිස්සුන්ටත් බෙදල දුන්නා. තමන්ට ලැබෙන දේ අනික් අයටත් බෙදල දෙන එක අපේ හොද සිරිතක්.
Comments
Post a Comment